Elorda jurty Qaraǵandy mýzykalyq komedııa teatrynyń qoıylymyn tamashalaı alady
Qaraǵandy akademııalyq mýzykalyq komedııa teatry qazannyń 8, 9 jáne 10-y kúnderi astanalyqtardyń nazaryna I.Kalmannyń «Sılva», I.Shtraýstyń «Vals koroli», A.Kolkerdiń «Trýffaldıno» mıýzıkli jáne balalarǵa arnalǵan mýzykalyq ertegiler qoıylymyn tartý etedi.
«Qaraǵandy akademııalyq mýzykalyq komedııa teatrynyń trýppasyn sahnamyzdan kórgenimizge qýanyshtymyz. Jyldar boıy ózindik dástúri qalyptasqan bul teatr bul joly da elorda kórermenderin tańǵaldyrady degen oıdamyn. Teatr basshylyǵymen qandaı qoıylym kórsetken jón, kórermenderdi qalaı tańǵaldyrsaq bolady dep biraz aqyldastyq. 3 kúndik sapardyń shymyldyǵyn rejısser, QR Memlekettik syılyǵynyń laýreaty ıÝrıı Aleksandrovtyń basshylyǵymen I.Kalmannyń áıgili «Sılva» qoıylymy ashady», - dedi Qazaqstannyń eńbek sińirgen qaıratkeri, «Astana Opera» teatrynyń dırektory Ǵalym Ahmedıarov.
Qaraǵandy akademııalyq mýzykalyq komedııa teatry úsh kúnde usynatyn 6 spektakldiń úsheýi balalarǵa jáne úsheýi jalpy kórermenderge arnalǵan.
«Bizdiń teatr opera men mıýzıkl janryn keńinen nasıhattaıtyn biregeı óner oshaǵynyń biri. Bıyl bizdiń teatr 50 jasqa tolady. Elordaǵa sapar daıyndyǵy tııanaqty júrdi jáne jaýaptylyqpen keldik. Bizdiń ártister usynatyn árbir qoıylym elorda kórermenderiniń kóńilinen shyǵady degen senimdemiz. Sol úshin de tolyq qurammen kelip otyrmyz. Astanalyqtardyń nazaryna usynatyn spektaklderdi de uzaq tańdadyq. Solardyń biri «Sılva» operasy men Shtraýstyń «Vals koroli» klassıkalyq qoıylymy. Árıne, kishkentaı kórermenge de arnalǵan sahnalyq syıymyz bar», - deıdi QR eńbek sińirgen qaıratkeri, Qaraǵandy akademııalyq mýzykalyq komedııa teatrynyń dırektory Amantaı Ibraev.
Onyń aıtýynsha, qaraǵandylyq teatrdyń repertýarynda 280-nen astam qoıylym bar. Onyń ishinde álemdik klassıkalyq opera jaýharlarymen qatar zamanaýı qoıylymdardy da atap ótýge bolady.
