Elorda jýrnalısteri QazATÝ-daǵy pikirtalas saıysyna qatysty
ASTANA. 26 maýsym. QazAqparat - S.Seıfýllın atyndaǵy Qazaq agrotehnıkalyq ýnıversıteti jáne «Bas redaktorlar klýby» qoǵamdyq birlestiginiń uıymdastyrýymen keshe,
25 maýsymda QazATÝ-da «QR zeınetaqy júıesin jańǵyrtý» atty pikirtalas saıysy ótti.
Bul týraly atalmysh joǵary oqý ornynyń baspasóz qyzmetinen habaarlady.
Debatqa respýblıkalyq aqparat quraldarynyń jýrnalısteri, S.Seıfýllın atyndaǵy Qazaq agrotehnıkalyq ýnıversıtetiniń jas ǵalymdary qatysty.
Sarapshylar quramynda QR Eńbek jáne halyqty áleýmettik qorǵaý mınıstrliginiń ókili, memlekettik baqylaý jáne áleýmettik qorǵaý komıteti tóraǵasynyń orynbasary Gúlnár Toqseıitova, memlekettik zeınetaqy tóleý ortalyǵy dırektorynyń birinshi orynbasary Sáýle Dúısenova, «Bas redaktorlar klýby» QB-niń prezıdenti Kenjebolat Joldybaı, S.Seıfýllın atyndaǵy Qazaq agrotehnıkalyq ýnıversıtetiniń prorektory Jaınagúl Qusaıynova, «Ádebıet» birlestiginiń bas redaktory Jumagúl Saýhat jáne Karl Popper atyndaǵy aǵylshyn debaty lıgasynyń jattyqtyrýshysy Sara Qytaıbekova boldy.
Oıyn nátıjesi boıynsha birinshi oryndy S.Seıfýllın atyndaǵy Qazaq agrotehnıkalyq ýnıversıteti jas ǵalymdarynyń «Naızaǵaı» komandasy ıelendi. Ekinshi oryndy jýrnalısterdiń «Almas qylysh» qurama komandasy aldy. «Úzdik spıker» atalymyn jýrnalıster komandasynyń ókili Madına Dúısekova enshiledi.
