Elorda joldarynda ólimmen aıaqtalǵan jol-kólik oqıǵalarynyń sany 40 paıyzǵa azaıdy
ASTANA. Qarashanyń 2-si. QazAqparat - 2009 jyldyń ótken on aıynda Astanada 303 jol-kólik oqıǵasy tirkeldi. Olardyń saldarynan 44 adam kóz jumyp, 323 adam túrli dene jaraqattaryn aldy,
dep habarlaıdy QazAqparat Astana qalalyq ІІD-niń Jol polıtsııasy basqarmasyna silteme jasap.
JPB-nan habarlaǵanyndaı, jyl bastalǵaly beri jol polıtsııasy basqarmasynyń qyzmetkerleri jolda júrý erejesin buzýdyń 158 785 faktisin anyqtady. Onyń ishinde, 5 290 júrgizýshi - kólikti mas kúıinde aıdaǵandar. Olardyń 776-sy ákimshilik qamaýǵa alyndy. Sondaı-aq, polıtsııa nazaryna ilikkenderdiń 5611-i - qaýipsizdik beldikterin qoldaný erejelerin buzǵandar, 3 128 - avtokólikti basqarý kezinde uıaly telefondy qoldanǵandar jáne 3 106 - jaıaý júrginshiniń quqyqtaryn buzýshylar.
Sońǵy 10 aıda Jol polıtsııasy basqarmasynda astana joldarynda oryn alǵan 303 jol-kólik oqıǵasy tirkeldi. Olardyń saldarynan 44 adam (2008 jyly - 74) mert bolyp, taǵy 323 adam (2008 jyly - 337) túrli dárejedegi dene jaraqattaryn aldy.
Ótken jylmen salystyrǵanda tirkelgen jol-kólik oqıǵalarynyń sany - 6,2 paıyzǵa, zardap shekkender - 4,2 paıyzǵa jáne qaıtys bolǵandardyń sany - 40,5 paıyzǵa azaıdy.
