Elorda joldarynda 700-ge jýyq beınekamera ornatyldy
ASTANA. QazAqparat - Astana joldarynda ornatylǵan beınekameralar quqyqbuzýshylyqtardy jazyp alýmen qatar, júrgizýshilerdi tártipke shaqyrady, dep habarlady elorda ákimdiginiń saıty.
Joldardyń qıylystarynda «qyzyl tús» jáne stop-syzyqtardy qıyp ótýshilerdi túsiretin 11 ıntegro kamera, 53 skorostemer ornatyldy. Jalpy Astana joldaryna 694 kamera qoıyldy. Kameraǵa jazylǵan barlyq aqparat joldaǵy ahýaldy qaraıtyn Jedel basqarý ortalyǵyna jiberiledi. Sonymen birge, beldik taqpaý, rýlde otyryp telefonmen sóılesý, avtokólik terezesinen qaldyq tastaý, ruqsat etilmegen jerge toqtaý jáne basqa da ákimshilik quqyqbuzýshylyqtar taspaǵa túsedi. Ákimshilik quqyqbuzýshylyq pen JQO erejelerin buzǵany úshin beınejazba men naqty aıyppul kórsetilgen eskertpe ereje buzǵan júrgizýshiniń mekenjaıyna jiberiledi. Aıyppul tólemeı avtomobıldi qaıta rásimdeýge, tehnıkalyq baıqaýdan ótýge jáne basqa da úderisterden ótýge jol berilmeıdi.
