Elorda jataqhanasynda turatyn 25 adam gazdan ýlanyp qaldy

ASTANA. QazAqparat – Elordada jataqhanada turatyn 25 adam, onyń ishinde 9 bala gazdan ýlanyp qaldy, dep habarlaıdy QazAqparat TJM silteme jasap.

«21 aqpanda tańǵy 8 saǵat 50 mınýtta 103 jedel járdemnen 4-qabatty jeke jataqhananyń birneshe bólmesiniń turǵyndarynyń ýly gazben ýlanýy týraly habarlama tústi. 25 adam, onyń ishinde 9 bala ýly gazben ýlanǵan», -delingen habarlamada.

Búgingi kúni ýlanýdyń sebebin naqtylaý jáne anyqtaý úshin oqıǵa ornyna anyqtaýshy jáne synaq zertteý órt zerthanasy jiberildi.

Aldyn ala sebep – qatty otynmen jumys isteıtin jylytý peshiniń isten shyǵýy. Turǵyn úıdi jataqhanaǵa ózgertken. Obekt órt avtomatıkasy júıelerimen jabdyqtalmaǵan. Turǵyn úıdi jataqhanaǵa aýystyrýǵa arnalǵan qujattar joq.