Elorda jastary uıymdastyrǵan fleshmobta «Rýhanı jańǵyrý» logotıpi beınelendi
Astana qalasy ákimdiginiń «Qoǵamdyq damý isteri basqarmasy» memlekettik mekemesi «Astana jastary» Jastar resýrstyq ortalyǵymen birlesip, Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń 1 jyldyǵyna arnap fleshmob ótkizdi.
Іs-sharaǵa «Qazaqstannyń 100 jańa esimi» jobasynyń jeńimpazdary, blogerler, Astana qalasynyń orta arnaýly oqý oryndarynyń belsendi stýdentteri men jalpy orta mekteptiń oqýshylary, sondaı-aq «Astana jastary» Jastar resýrstyq ortalyǵynyń eriktileriniń qatysýymen ótken sharada 300-ge jýyq qatysýshy «Rýhanı jańǵyrý» baǵdarlamasynyń belgisi bolǵan qyran qus pen «Qazaqstan» jazýlaryn beıneledi.
«Rýhanı jańǵyrý» baǵdarlamalyq maqalasy - ultymyzdyń barlyq salt-dástúrlerin, tilimiz ben tarıhymyzdy umytpaı jańashyldyqqa ilesý úshin baǵdar silteý dep oılaımyn. Jastar memlekettik saıasattyń júzege asýyna qoldaý kórsetýge árqashan daıyn. Bizdiń ortalyq baǵdarlamalyq maqalada kórsetilgen baǵyttar boıynsha 6 iri jobany júzege asyrýda. Jastardy durys baǵytta tárbıeleý jolynda baǵdarlamanyń alar orny úlken. Jastardyń kemel bolǵany bul jeke azamattarymyz úshin de, árbir jeke tulǵadan quralǵan qoǵam, týǵan elimiz úshin de óte mańyzdy úderis», - dedi «Astana jastary» Jastar resýrstyq ortalyǵynyń basshysy Muhamedjan Bolysbek.
