«Elorda jastary» turǵyn úı baǵdarlamasyna ótinim qabyldaý bastalady
«Elorda jastary» - qala ákimdigi men Otbasy banktiń («Báıterek» holdınginiń enshiles uıymy) birlesken jobasy.
Baǵdarlama jeńildikpen nesıe alýǵa múmkindik beredi. Oǵan qatysa alady: jas muǵalimder, dárigerler, jýrnalıster, mádenıet salasynyń qyzmetkerleri, sportshylar, JOO ustazdary men ǵylymı qyzmetkerler, áleýmettik sala men kommýnaldyq qyzmet qyzmetkerleri, Polıtsııa departamenti men Tótenshe jaǵdaılar departamenti qyzmetkerleri, sondaı-aq Astana qalasy boıynsha turǵyn úı kezeginde turǵan jetim balalar.
Qaryz alýshylardyń jasy 35-ten aspaýy tıis.
Atalmysh baǵdarlamany júzege asyrýǵa Astana qalasy ákimdigi 1,5 mlrd teńge, Otbasy bank 1,5 mlrd teńge bólip otyr. Bul qarajatqa 200-ge jýyq turǵyn baspanaly bolady dep kútilýde.
Áleýetti qaryz alýshylardyń tizimin jergilikti atqarýshy bılik qalyptastyrady.
Ótinishter qatysu.zhilfond.kz saıtynda 2023 jyldyń 30 mamyry saǵat 9:00 bastap, 6 maýsym saǵat 23:59 deıin qabyldanady. Avtorızatsııadan ótý úshin elektrondy tsıfrlyq qoltańba qajet.
Ótinimderdi qabyldaý merzimi aıaqtalǵan soń qatysýshylardy irikteý bastalady. Úmitkerler pýly baldyq júıe boıynsha qalyptasady, onda - eńbek ótili, ótinish berýshiniń 1, 2, 3-inshi múgedektik tobyna jatatyn-jatpaıtynyn (erli-zaıyptynyń nemese balalarynyń biri) eskeriledi.
Pýl qurylǵannan keıin onyń qatysýshylary Otbasy bankinen nesıe alýǵa joldama alady.
Bank baǵdarlama qatysýshysynyń tólem qabilettiligin tekserip, jyldyq 5 paıyzben (JTSM 5,2% bastap) jeńildetilgen nesıe beredi. Alǵashqy jarna – 10%. Elordalyq jas turǵyndarǵa beriletin nesıeniń eń joǵary somasy – 18 mln teńge, merzimi – 25 jylǵa deıin.Onyń kómegimen bastapqy nemese qaıtalama naryqtan, sondaı-aq «Qazaqstan turǵyn úı kompanııasy» AQ-nyń kepildemesimen úlestik qatysý sharty boıynsha salynyp jatqan úıden baspana satyp alýǵa bolady.
