Elorda jastary túnde sýpermarket arbalarymen jarysýdy sánge aınaldyrǵan
ASTANA. QazAqparat - Elorda jastarynyń arasynda túnde sýpermarket arbalarymen syrǵanaý sánge aınalǵan. Saýda jelileriniń jumysshylary mundaı oıynnyń sońy jaqsyǵa aparmaıdy dep dabyl qaǵýda, dep jazady Ekspress-K basylymy.
Astananyń iri dúkenderiniń biriniń menedjeri Aldııar Rahmannyń aıtýynsha, aı saıyn onyń dúkeninen azyq-túlik tasý úshin arnalǵan arbalardyń on shaqtysy joǵalyp ketedi. Olardyń bári sol jaǵalaýdaǵy magıstraldiń jıeginen tabylyp jatady. «Bizdiń kúzetshiler jastardyń túnde arbaǵa minip jarysatynyn bir emes, birneshe ret baıqaǵan, - deıdi Aldııar. - Biraq olardy toqtatý bizdiń qolymyzdan kelmeıdi. Kúzetshiler sol esersoqtardyń sońynan júgirmeıdi ǵoı. Polıtsııany shaqyrýdyń da máni joq - jasaq kelgenshe jastar arbalaryn tastap, qashyp úlgeredi. Biz buǵan qatty alańdaýlymyz. Qudaı saqtasyn, biraq, jol boıynda «syrǵanaýshylardy» mashına qaǵyp ketse, bizdiń basymyz bálege qalady, óıtkeni arba bizdigi ǵoı». Bul úrdis jaz shyqqaly tipti órship tur. Aldııardyń sózin ózge dúkenderdiń ıeleri de rastap otyr.
