«Elorda jastary syılyǵynyń» jeńimpazdary úshin daýys berý júrip jatyr

Nur-Sultan jastarynan barlyǵy 1 myńǵa jýyq ótinim túsken. Jabyq komıssııa otyrysynda ár nomınatsııa boıynsha úsh úmitkerden iriktep alyndy.

Jeńimpazdarǵa daýys berý 6-26 qarasha aralyǵynda ótkiziledi. Ol úshin elordajastary2019.kz saıtynda tirkelip, elektrondyq poshtaǵa kelgen silteme arqyly úmitkerge daýys berý qajet. Daýys berýge 16 jasqa tolǵan Qazaqstan Respýblıkasynyń kez kelgen azamaty qatysa alady. Ár nomınatsııa boıynsha tek bir úmitkerge, ıaǵnı jalpy sany 15 úmitkerge daýys berýge múmkindik bar. Onlaın-daýys berý qupııa túrde júzege asyrylady.

Aıta keteıik, jańadan qosylǵan «Ulttyq óner» jáne «Úzdik jastar teatry» boıynsha kelip túsken ótinimder sany kóp bolǵandyqtan komıssııa músheleri 4 úmitkerge, «Úzdik stýdent» nomınatsııasy boıynsha 5 úmitkerge múmkindik berýdi jón dep tapty. Bulardan basqa «Ǵylym», «Sport», «Estrada», «Kıno jáne teatr», «Óndiristiń úzdik qyzmetkeri», «Áleýmettik salanyń úzdik qyzmetkeri», «Qazirgi zamanǵy shyǵarmashylyq óner», «Jas kásipker», «Jyl volonteri», «Úzdik memlekettik qyzmetshi» atalymdary boıynsha úzdikterdi marapattaý josparlanýda.

Jeńimpazdardy marapattaý rásimi 8 jeltoqsanda «Beıbitshilik jáne kelisim saraıynda» ótedi.

Jobanyń uıymdastyrýshysy – elordalyq Qoǵamdyq damý isteri basqarmasy.