Elorda zhastary: irikteý nátıjesi jarııalandy

ASTANA. KAZINFORM – Elordanyń Turǵyn úı basqarmasy Elorda zhastary baǵdarlamasy boıynsha irikteý nátıjesin jarııalady. Bul týraly Astana ákimdiginiń resmı saıty jazdy.

Elorda zhastary turǵyn úı baǵdarlamasy boıynsha irikteý nátıjelerin qalanyń Turǵyn úı jáne turǵyn úı ınspektsııasy basqarmasynyń saıtynan jáne zhilfond.kz portalynan kórýge bolady.

Olar úsh tizimde jarııalandy: «maquldandy», «maquldandy – rezerv» jáne «maquldanbady».

«Maquldandy» tizimindegi azamattarǵa ótinim berý kezinde kórsetilgen elektrondyq poshtaǵa («Spam» papkasynda bolýy múmkin), «Otbasy bank» AQ jiberýdiń elektrondyq nusqasy jiberildi, ony basyp shyǵaryp tólem qabilettiligin baǵalaý úshin Astana qalasyndaǵy «Otbasy bank» AQ kez kelgen bólimshesine 10 jumys kúni ishinde júginý qajet. «Otbasy bank» AQ joldama alǵan sátten bastap 10 jumys kúni ishinde júginbeý jaǵdaıynda, Turǵyn úı ortalyǵy joldamanyń kúshin joıýǵa quqyly.

«Maquldandy – rezerv» tizimindegi azamattar baǵdarlamanyń negizgi sharttaryna sáıkes keledi, alaıda az ball jınaýyn jáne lımıttiń aıaqtalýyn eskere otyryp, rezervtik tizimge engizilgen. Eger maquldanǵandardyń negizgi tiziminen bankte tólem qabilettiligin rastamaǵandar bolsa, tólem qabilettiligin ótýge joldama tizimdegi kezektilikke sáıkes maquldanǵandardyń rezervtik tiziminen azamattarǵa beriletin bolady. 

«Maquldanbady» tizimindegi azamattar birge.astana.kz portalyndaǵy jeke kabınette tolyǵyraq tanysýǵa bolatyn sebepter boıynsha baǵdarlama talaptaryna sáıkes kelmeıdi.