Elorda jastary qar kúrep júrgen jumysshylarǵa ystyq sháı taratty
NUR-SULTAN. QazAqparat – «Jas Otan» Jastar qanatynyń belsendileri elorda kóshelerinde qar kúrep júrgen kommýnaldyq qyzmetkerlerge ystyq sháı taratty, dep habarlaıdy QazAqparat.
Jastar shaǵyn avtobýspen qala ishin aralap, jumysshylarǵa sendvıch pen sháı usyndy jáne joldy qar men muzdan tazartýǵa kómektesti.
«Bataly er arymas, batasyz er jarymas» degen sóz bar, sonymen birge basqalardyń eńbegin baǵalaýdy da úırený kerek. «Jas Otan» Jastar qanatynyń belsendileri bul aktsııany jyl saıyn ótkizedi. Onyń basty maqsaty – kommýnaldyq qyzmetkerlerge osyndaı aıazdy kúnderi atqarǵan jumystary úshin alǵys aıtý. Kúndelikti ómirde bul adamdardyń eńbegin eshkim baıqamaıdy. Olar qalamyzdyń tazalyǵy úshin tańǵy saǵat 4-te oıanyp, tańǵy 6-da qatarda turady. Sol adamdardyń táýlik boıy jumys isteýiniń arqasynda tazartylǵan kóshelermen júremiz. Búgingi aktsııa arqyly qala turǵyndaryn bir-birine jylý men kúlki syılaýǵa shaqyrǵymyz keledi», - dedi «Jas Otan» Jastar qanatynyń tóraǵasy Dáýlet Káribek.
Eske sala ketsek, aktsııa 2018 jyly Nur-Sultan qalasynda týra osy ýaqytta bastalyp, elimizdiń barlyq aımaqtarynda jalǵasyn tapqan edi.
