«Elorda jastary» baıqaýy jarııalandy
ASTANA. QazAqparat - Astanada «Elorda jastary» baıqaýyna ótinimderdi qabyldaý bastaldy, dep habarlaıdy QazAqparat Astana ákimdiginiń resmı saıtyna silteme jasap.
Baıqaý ǵylym, shyǵarmashylyq jáne qoǵamdyq qyzmette tabysty eńbek etip júrgen jastardy qoldaýǵa baǵyttalǵan jáne onda 14-29 jas aralyǵyndaǵy Qazaqstan azamaty bolyp sanalatyn Astana turǵyndary baq synaı alady.
«Bıylǵy baıqaýda nomınatsııalar sany 20-ǵa deıin artty. Olardyń arasynda - ǵylym, zamanaýı óner, jýrnalıstıka, qoǵamdyq qyzmet, sport, teatr, kınofestıval, estrada, úkimettik emes uıymdar (jastar saıasaty salasynda) bar. Sonymen birge, elorda jastary arasynan óner men áleýmettik salanyń úzdik qyzmetkeri, úzdik óndiris qyzmetkeri, jas kásipker, jas kásipker qyz, jyl stýdenti, jyl eriktisi, úzdik memlekettik qyzmetshi, jyldyń top jarǵan úzdigi jáne úzdik SMM-menedjer anyqtalady», - dep habarlady ákimdik saıty.
Uıymdastyrýshylardyń aıtýynsha, bıylǵy baıqaýǵa onlaın-daýys berý ádisi engizilgen. ıAǵnı, irikteýden keıin úmitkerler onlaın-daýys berýge túsedi.
«Elorda jastary» baıqaýyna ótinimder 2018 jyldyń 16 qarashasyna deıin qabyldanady. Tolyq aqparatty elordapremiasy.kz saıtynan birýge bolady.
