Elorda jastary arasynda jumyssyzdyq deńgeıi óte joǵary

ASTANA. QazAqparat - Astanada jastar arasynda jumyssyzdyq deńgeıi óte joǵary, respýblıka boıynsha ekinshi orynda. Bul týraly Memleket basshysy Qasym-Jomart Toqaevtyń tóraǵalyǵymen elordany damytý máseleleri jónindegi keńes aıtty, dep habarlaıdyts Aqorda.

«Azamattardyń ál-aýqatyn arttyrýǵa basa mán berý qajet. Basty nazardy qala turǵyndaryn jumyspen qamtýǵa aýdarý mańyzdy. Áleýmettik qamsyzdandyrý aıasyndaǵy ortasha jalaqy 100 myń teńgeden asady. Jumys oryndary bar. Biraq ataýly áleýmettik kómek alatyn eńbekke jaramdy azamattardyń 60 paıyzdan astamynyń turmys jaǵdaıy tómen. Sondaı-aq jastardy qoldaý sharalary tıimdi emes. Jastarmen jumys buqaralyq is-sharalar ótkizýden aspaı jatady. Al, Astanada jastar arasynda jumyssyzdyq deńgeıi óte joǵary, respýblıka boıynsha ekinshi orynda. Bıyldan bastap 35 jasqa deıingi azamattar jastar sanatyna qosylady. Soǵan sáıkes olardyń sany kóbeıedi. Úkimetke ákimdikpen birge qaladaǵy jastarmen jumysty kúsheıtýdi tapsyramyn», - dedi Memleket basshysy jıynda.