Elorda jastary: 200 jeńildetilgen nesıe sertıfıkaty beriledi

ASTANA. QazAqparat – Bıyl «Elorda jastary» turǵyn úı baǵdarlamasy jalǵasyn tabady. Osyǵan oraı 200 astanalyq jas baspanaly bolady. Bul týraly Astana qalasy jastar saıasaty máseleleri basqarmasynyń basshysy Qaırat Qambarov málim etti, dep habarlaıdy QazAqparat tilshisi.

«2021 jyldan bastap «Elorda jastary» turǵyn úı baǵdarlamasy iske qosyldy. Bul – jastardyń turǵyn úı alýyna jeńildetilgen nesıe berý baǵdarlamasy. Ótken jyly 200 jeńildetilgen nesıe bekitilip, jastar oǵan ıe boldy. Bıyl da 200 sertıfıkat beriledi. Qazir irikteý jumysy júrip jatyr. Turǵyn úı basqarmasy ótinishterdi tirkedi, biz óz tarapymyzdan taǵy bir qarap, ony «Otbasy bankine» jiberdik. Búginde bank ótinim ıeleriniń kredıttik jaǵdaıyn tekserip jatyr», - Qaırat Qambarov qalalyq kommýnıkatsııalar qyzmeti alańynda ótken baspasóz máslıhatynda.

Aıta keteıik, elordada jastardy qoldaý jáne qyzmet kórsetý ortalyqtary jumys isteıdi. Jastar ol jerden baspana, jumysqa ornalasý jáne basqa suraqtarǵa jaýap jáne keńes alý múmkindigi bar.

Astanadaǵy jastarǵa qyzmet kórsetý ortalyqtarynyń mekenjaılary:

- Esil aýdany – Qabanbaı batyr, 58 b, 1 qabat;

- Baıqońyr aýdany – Alash tas joly, 34/5, 1 qabat;

- Saryarqa aýdany – Beıbitshilik, 9, 2 qabat;

- Almaty aýdany – Abylaı han dańǵyly, 31, 2 qabat.