«Elorda jastary» baǵdarlamasyna ótinim qabyldaý bastaldy

Qazaqstanda jeńildetilgen ıpotekalyq nesıeleýdiń jastar baǵdarlamalaryn iske asyrý jalǵasýda. 2024 jylǵy 1-6 aqpan aralyǵynda Astana qalasynda «Elorda jastaryna» qatysýǵa ótinimdi qabyldaý bastaldy. Elordada turaqty tirkeýde 1 jyl turǵan 35 jasqa deıingi qazaqstandyqtar birge.astana.kz portaly arqyly onlaın ótinish bere alady.

Baǵdarlama «Otbasy Banki» AQ arqyly elordadaǵy bastapqy/qaıtalama naryq arqyly 80 jastyń jeke páter satyp alýyna múmkindik beredi.

Oǵan memlekettik mekeme qyzmetkerleri, densaýlyq saqtaý, bilim berý, mádenıet, sport salasynda jumys isteıtin jeke uıym jáne áleýmettik qyzmetkerler, JOO jáne ǴZI oqytýshylary, jýrnalıster, Astana qalasynyń kommýnaldyq kásiporyndary men mekemeleriniń beıindi qyzmetkerleri qatysa alady. Sondaı-aq atalǵan baǵdarlamaǵa qyzmet salasyna qaramastan Astanada «Jetim balalar» sanaty boıynsha turǵyn úı kezeginde turǵan azamattar, polıtsııa jáne Tótenshe jaǵdaılar departamentteriniń qyzmetkerleri enedi.

Portalda qatysýǵa ótinimdi toltyrý kezinde tańdalǵan aımaq ótinish berýshi jumys isteıtin aımaqpen sáıkes kelýi kerek.

Qaryzdyń eń joǵary somasy - 18 mln. teńge, bastapqy jarna - 10%, qaryz boıynsha mólsherleme-jyldyq 5%, 25 jylǵa deıingi merzimge.