«Elorda jastar syılyǵy» baıqaýynyń jeńimpazdary anyqtaldy
ASTANA. QazAqparat - «Elorda jastar syılyǵy» baıqaýynyń jeńimpazdary anyqtaldy. 5000 ótinimdi irikteýdiń tórt kezeńiniń qorytyndysy boıynsha fınalǵa 60 qatysýshy shyqty, dep habarlaıdy elorda ákimdiginiń resmı saıty.
«Elorda jastar syılyǵy» eldiń damýyna óz úlesterin qosyp júrgen jas ári kelesheginen zor úmit kúttiretin qazaqstandyqtardyń basyn qosty.
Konkýrstyń maqsaty - daryndy jastardy memlekettik deńgeıde qoldaý, olardyń ǵylymı, shyǵarmashylyq jáne qoǵamdyq qyzmeti, sondaı-aq jastar men úkimettik uıymdar arasyndaǵy yntymaqtastyqty damytý, tabysty jastardyń ıdealyn qalyptastyrý.
Ótinimderdi qabyldaý 16-25 qarasha aralyǵynda ótti.
«Elorda jastar syılyǵy» «Rýhanı jańǵyrý» baǵdarlamasy aıasyndaǵy basty jobalardyń biri bolýy kerek. Memleket basshysy 2019 jyldy Jastar jyly dep jarııalady. Qazirgi tańda Astana qalasy ákimdigi Jastar jyly aıasynda aýqymdy jobalardy júzege asyrý maqsatynda «Jol kartasy» qalalyq baǵdarlamasyn ázirlep jatyr.
Jaqynda qalada jetekshi jastar uıymdarymen kezdesý ótti, onda kelesi jyly iske asyrylatyn birqatar joba men baǵdarlama talqylandy. Sizderdi is-sharalarǵa qatysyp, belsendilik tanytady dep senemin. Astanada kóptegen qyzyqty, shyǵarmashylyq, kópfýnktsıonaldy jobalar júzege asyrylatyn bolady. Meniń oıymsha, jastar jyly aıasynda júzege asyrylatyn jol kartasy el boıynsha eń qyzyqty ári shyǵarmashylyq is-sharalarǵa aınalady dep oılaımyn. Astana jastarynyń jumystaryn qoldaýǵa arnalǵan bul marapat elordadaǵy jastar ortasyna tereńirek sińip, eleýli mádenı orynǵa ıe bolady dep aıta alamyz», - dep atap ótti Astana qalasy ákiminiń orynbasary Ermek Amanshaev marapattaý rásiminde.
Osylaısha, «Jyl jańalyǵy» nomınatsııasynda Asylhan Tólepov, «Estrada» nomınatsııasynda Gúlmıra Isimbaeva, «Ǵylym» nomınatsııasynda Aıan Nurkesh, «Qazirgi zamanǵy óner» nomınatsııasynda Qanat Nurtazın, «Jýrnalıstıka» nomınatsııasynda Ámir Samenbetov, «Áleýmettik belsendilik» nomınatsııasynda Áıgerim Kókeeva, «Sport» nomınatsııasynda Іlııas Fatkýlın, «Teatr» nomınatsııasynda Shehnaza Kyzyhanova, «Kıno» nomınatsııasynda Arman Qaıyrjan, "ÚEU" (jastar saıasaty salasyndaǵy) nomınatsııasynda Baqdáýlet Jandildaev, «Úzdik óndiris qyzmetkeri» nomınatsııasynda Danııar Tanatov, «Úzdik áleýmettik qyzmetker» atalymynda Qýanysh Jaǵalbaeva, «Jyl eriktisi» atalymynda Maqsat Joldybaı, «Úzdik SMM menedjer» atalymynda Altynbek Kereshev, «Ónerge qosqan úlesi úshin» atalymynda Margarıta Popova, «Erlik úshin» - Baqtııar Іlııasov jeńiske jetti.
«Barlyq kandıdattar men jeńimpazdardy «Elorda jastar syılyǵy» marapatymen quttyqtaımyz, men sizderge sáttilik tileımin. 2019 - jastar jyly. Kelesi jyly da bul marapat óz qundylyǵyn kórsetip, elimizge úlesin qosyp, ózin kórsetken jastarǵa beriletin bolady», - dep atap ótti Qoǵamdyq damý isteri bóliminiń basshysy Danııar Esın.
Kesh qonaqtaryna arnalyp qyzyl kilem tóseldi, merekelik shved ústelimen jáne qazaqstandyq estrada juldyzdarynyń qatysýymen kontserttik baǵdarlama uıymdastyryldy.
