Elorda jármeńkesi: úsh oblystan 400 tonnadan astam aýyl sharýashylyǵy ónimi jetkizildi

ASTANA. KAZINFORM – Elordada jyl saıynǵy aýyl sharýashylyǵy jármeńkeleriniń maýsymy bastalady. Osy oraıda búgin Aqtóbe, Atyraý jáne Jambyl oblystarynyń taýar óndirýshileri óz ónimderin usyndy.

Atap aıtqanda, aýyl sharýashylyǵy jármeńkesi eki kún qatarynan bolady. Bul rette, 125 tonna et jáne et ónimderi, 250 tonna kókónis pen jemis-jıdek, 26 tonna sút ónimderin, 22 tonna balyq, 2 tonna nan-toqash ónimderi jáne 60 tonna ózge de azyq-túlik ónimderin, ıaǵnı jalpy 400 tonnadan astam taýar jetkizildi.  

Foto: Aǵybaı Aıapbergenov/ kazinform

Aqtóbe oblysy aýyl sharýashylyǵy jáne jer qatynastary basqarmasynyń basshysy Qusaıyn Sarsembaıtyń aıtýynsha, óńirdegi taýar óndirýshilerdiń ónimderin jetkizýge oblystyq ákimdik tıisti jaǵdaı jasady. 

Foto: Aǵybaı Aıapbergenov/Kazinform

«Jyl saıyn dástúr boıynsha Astanaǵa Aqtóbe oblysynda óndirilgen ónimdi alyp keldik. Josparlanǵan kólemde óńirden et jáne sút, kókónis ónimderin tolyq jetkizdik. Osy jármeńkeni uıymdastyrýshylarǵa alǵysymyzdy aıtamyz, bizdiń taýar óndirýshilerge barlyq jaǵdaıdy jasap berdi. Bizdiń ónimder elordadaǵy naryqtyq qunynan áldeqaıda tómen baǵada satylyp jatyr. Ár saýda ornyna QR-kod ilip qoıdyq. Smartfon arqyly bul QR-kodpen jetkizilgen mal eti qaı sharýa qojalyǵyna tıesili ekenin tekserýge bolady. Bul óz kezeginde dúken sóresine kezdeısoq emes, taza ónimdi jetkizýge múmkindik beredi», - dedi Q.Sarsembaı.

Foto: Aǵybaı Aıapbergenov/Kazinform

Óz kezeginde Jambyl oblysy aýyl sharýashylyǵy basqarmasynyń basshysy Qaırat Kóshenov búgin óńirdiń 10 aýdany men Taraz qalasynyń 90-nan astam aýyl sharýashylyǵy taýar óndirýshisi elordaǵa kelgenin aıtty. 

Foto: Aǵybaı Aıapbergenov/Kazinform

«10 avtokólikke tıelgen azyq-túlik taýarlarynyń ishinde 33,2 tonna et (jylqy, sıyr, qoı jáne taýyq eti), 4 tonna shujyq ónimderi, 22,2 tonna sút ónimderi, 6 myń jumyrtqa, 10 tonna qant, 2,5 lıtr ósimdik maıy, 1 tonna kondıterlik ónimder men 5,4 tonna makaron ónimderi, 0,4 tonna as tuzy, 4 tonna balyq, 4 tonna un, 6,8 tonna bal jáne 202,3 tonna jemis-jıdek pen kókónis ónimderi bar», - dedi Q.Kóshenov.

Foto: Aǵybaı Aıapbergenov/Kazinform

Jambyldyq sharýalar jalpy quny 220,4 mln teńgeni quraıtyn 301,8 tonna óz ónimderin naryq qunynan 10-20 paıyzǵa tómen baǵada ótkizip jatyr. 

Foto: Aǵybaı Aıapbergenov/Kazinform

Atyraý oblysy Aýyl sharýashylyǵy jáne jer qatynastary basqarmasynyń basshysy Amangeldi Salamattyń sózine qaraǵanda, elordaǵa óńirden et pen balyq jetkizildi. 

Foto: Aǵybaı Aıapbergenov/Kazinform

«Jármekege oblystan 27 sharýashylyq qatysyp jatyr. Ónimder tómen baǵamen, ıaǵnı Astana ákimdigi bekitken mejede saýdalanyp otyr», - dedi basqarma basshysy.

Foto: Aǵybaı Aıapbergenov/Kazinform

Foto: Aǵybaı Aıapbergenov/Kazinform

Foto:Aǵybaı Aıapbergenov/Kazinform

Foto: Aǵybaı Aıapbergenov/Kazinform

Aıta keteıik, bıyl jármeńke «Qazanat» ıppodromyna qarama-qarsy, Qarqaraly tas joly 1 mekenjaıynda uıymdastyryldy. Elorda turǵyndary men qonaqtaryna yńǵaıly bolý úshin jármeńkelerdi ótkizý ornyna №18, 37, 303 jáne 323 avtobýs marshrýttary qatynaıdy. Aýyl sharýashylyǵy jármeńkesi saǵat 9.00-den 18.00-ge deıin jumys isteıdi.