Elorda jáne 6 óńir turǵyndary kóktaıǵaq jóninde eskertildi
NUR-SULTAN. QazAqparat – QR Іshki ister mınıstrliginiń Tótenshe jaǵdaılar komıteti jańbyrdyń jaýýyna jáne túnde aýa temperatýrasynyń tómendeýine baılanysty 7 óńirdiń turǵyndary saqtyq sharalaryn qabyldaýdy eskertti, dep habarlaıdy QazAqparat.
«Nur-Sultan, Aqmola, Aqtóbe, Qostanaı, Qaraǵandy, Pavlodar jáne Soltústik Qazaqstan oblystarynda jaýyn-shashynnyń jaýýyna jáne túngi ýaqytta aıaz bolýyna baılanysty kóktaıǵaq bolady. Sonyń saldarynan jol-kólik apattary, sondaı-aq jaıaý júrginshilerdiń kóshede alatyn zaqymdary: qulaýdan deneniń soǵylýy, synyq jaraqattary jıileıdi. ІІM Tótenshe jaǵdaılar komıteti júrgizýshilerge jol qozǵalysy kezinde abaı bolyp, tómen jyldamdyqty saqtaýǵa jáne saq bolýǵa shaqyrady. Jaıaý júrginshiler joldan ótken kezde óte muqııat bolýy kerek, asyǵýǵa nemese júgirýge bolmaıdy. Kóktaıǵaq kezinde azamattarǵa taıǵanamaıtyn tabany bar aıaq kıim kııý usynylady. Qart adamdarǵa ushy rezeńkemen qaptalǵan nemese shyrmaýyǵy bar taıaqty paıdalaný qajet», - delingen vedomstvo aqparatynda.
Aıta keteıik, sınoptıkter 27 aqpan kúni birneshe óńirde eskertý jarııalady.
