Elorda zeınetkerleriniń nazaryna: Astanada kúzgi saýyqtyrý maýsymy ashyldy

ASTANA. KAZINFORM — Astanadaǵy Belsendi uzaq ómir súrý ortalyǵynda qyrkúıek aıynan bastap kúzgi saýyqtyrý maýsymy ashyldy.

Dúısenbi men juma kúnderi aralyǵynda saǵat: 8.00 — 11.30-ge deıingi ýaqytta «Jetisý», «Jeruıyq», Prezıdenttik, Ortalyq jáne Botanıkalyq saıabaqtarda skandınavııalyq serýennen tańǵy saýyqtyrý jattyǵýlary ótedi.

Ortalyqtyń sport nusqaýshylary demalý saıabaqtarynda zeınetkerlerdiń qatysýymen saýyqtyrý jattyǵýlaryn ótkizýdi josparlap otyr. Bul bastama qala turǵyndarynyń densaýlyǵyn nyǵaıtý jáne sporttyq belsendilikti arttyrý maqsatynda uıymdastyrylady.

Kúzgi saýyqtyrý jattyǵýlaryna qatysýǵa nıet bildirgen barlyq qala zeınetkerlerin saýatty ómir saltyn ustanýǵa shaqyramyz. Jattyǵýǵa qatysý tegin. Saýyqtyrý jattyǵýlary qyrkúıek-qarasha aılarynda kestege sáıkes jalǵasatyn bolady. 

Aıta ketelik zeınetkerler múmkindigi shekteýli jubaılaryna jeke kómekshi bola alady.