Elorda vokzalynda Talgo poıyzynyń mıllıonynshy jolaýshysy marapattaldy
«Qazaqstan temir joly» UQ» AQ-nyń habarlaýynsha, mıllıonynshy jolaýshy 10 jasar Nurbaqyt Aǵabek eken. Ol Shymkentten anasymen birge elordaǵa erekshe qajettilikteri bar balalar arasynda júzýden jarysqa qatysý úshin kelgen.
Elordalyq vokzal kesheninde Nurbaqytty «Jolaýshylar tasymaly» AQ bas dırektorynyń orynbasary Muhıt Tursynbaev pen poıyz jolserikteri saltanatty túrde qarsy alyp, marapattady. Tosynsyı ıesine Apple ІPad gadjetin, symsyz qulaqqap, jemis-jıdek sebetin jáne gúl shoǵyn syılady.
– Bul biz úshin úlken tosyn syı boldy. Jaqynda meniń ulymnyń týǵan kúni, al bul syılyqtar rasynda keremet. Osyndaı aktsııany uıymdastyrýshylarǵa alǵysymyz sheksiz. Búgin biz kóptegen jaǵymdy emotsııalarǵa bólendik! – dedi mıllıonynshy jolaýshynyń anasy Jaına Fazylbekova.