Elorda úshin bir Oqýshylar saraıy azdyq etedi – Erbol Іrgebaı
NUR-SULTAN. QazAqparat – Nur-Sultan qalasynyń Oqýshylar saraıynyń dırektory Erbol Іrgebaı 12 myń bala oqyp, bilim alyp jatqan uıymnyń jumysy týraly baıandap berdi, dep habarlaıdy QazAqparat tilshisi.
«Búgingi tańda Oqýshylar saraıynda 12 myńnan astam bala bilim alady. 125 túrli sektsııa men úıirme jumys istep tur. Bizdiń Oqýshylar saraıynyń ereksheligi: ǵylym men tehnıka, óner, mádenıet salasy jáne sport – úsh baǵyt qatar damyp kele jatyr. Sport salasynda fýtbol, hokkeı, sýda júzý, jeńil atletıka, boks, sadaq atý, kúres túrlerinen úıirmeler bolsa, óner salasynda horeografııa, án aıtý, sýret salý, keramıka úıirmelerinde de bilikti mamandar men muǵalimder jumys isteıdi. Balalardyń qyzyǵýshylyǵy joǵary. Taıaýda bizdiń saraıda «Prezıdenttik shyrsha» saltanatty sharasy ótkizildi», - dedi ol májilismenderdiń Oqýshylar saraıyn aralaýy kezinde tilshilerge.
Erbol Іrgebaıdyń aıtýyna qaraǵanda, Oqýshylar saraıynda robot tehnıkasy, kıbersport, túrli tehnıkalyq ortalyqtar – avtomodeldeý, sýda modeldeý, ǵaryshtyq tehnıkany modeldeý, hımııa-fızıka baǵyttarynda úıirmelerge oqýshylar kóp keledi.
«Endigi maqsattyń biri – ǵylym men tehnıka baǵytyndaǵy «Týmo» ortalyǵyna negizdelgen «Sana» degen baǵdarlama jasaǵanbyz. ıAǵnı, balalar tsıfrlyq tehnologııalardy damytýǵa baılanysty daǵdylaryn shyńdap, ózderi baǵdarlama jasaýǵa úırenedi», - dedi Erbol Іrgebaı.
Oqýshylar saraıynyń dırektory óz sózinde qandaı máseleler baryn da jasyrǵan joq.
«Qıyn problema bizde – basseınde. Qala úshin bizdiń basseın, tipti jalpy, bir ǵana Oqýshylar saraıynyń ózi qalaǵa azdyq etedi. Óıtkeni, elordanyń 1 mıllıonnan astam turǵyny bar. Jalpy, bes kúndik oqý kúni bekitilgendikten, búkil qala boıynsha qosymsha bilim berý uıymdaryn kóbeıtý kerek. Sport bolsyn, óner nemese tehnıka bolsyn balalarǵa arnalǵan uıymdardy barynsha kóbeıtse jaqsy bolar edi. Qaladaǵy árbir aýdanǵa bir-bir basseın salyp qoısa jaqsy bolar edi. Sebebi, basseındi búgingi kúni barlyǵy qajet etedi. Tipti omyrtqasy qısaıǵan balalarǵa dárigerler basseınge túsýge keńes beredi. Bizde 1 200 oryn. Odan artyq ala almaımyz. Ata-analar bizge «balalarymyzdy basseınge qabyldamaısyńdar» dep renjıdi. Qalada aqyly basseınder bilýimshe, qymbat bolýy kerek. Bizde basseınde aılyq tólem – 10 myń teńge», - dedi ol.
Erbol Іrgebaı basseın árdaıym tazalanyp otyrýy kerektigin, sanıtarlyq normasy baryn, aptasyna bir ret basseın tekserilip otyratynyn aıtyp ótti.
«Bizde 171 pedagog jumys isteıdi. Qosymsha túrli jerden (...) kelip qyzmet atqaratyndar bar. Eger qosymsha bilim beretin pedagogtardyń jalaqysy kóp bolsa, ol bizde turaqty jumys isteı alar edi. Jalaqy az bolǵandyqtan, álgi pedagog bizdiń Oqýshylar saraıyna kelip, tústen keıin mýzyka mektebine sabaq berip ketýi múmkin. Osydan baryp sapa tómendeıdi. Sondyqtan, qosymsha bilim beretin pedagogtardyń jalaqysy turaqtalsa jaqsy bolar edi», - dedi ol.
Oqýshylar saraıynda úıirmeler bıýdjettik jáne aqyly dep ekige bólinedi. 12 myń balanyń 8500-y bıýdjettik toptarda (kópbalaly nemese az qamtylǵan otbasylardyń balalary) oqıdy.
