Elorda UBT qorytyndysyn shyǵardy
ASTANA. QazAqparat - Astanada Ulttyq biryńǵaı testileý qorytyndysy shyǵaryldy, dep habarlady «Báıterek» halyqaralyq baspasóz ortalyǵynan.
Aǵymdaǵy jyly UBT elordada 2,4 jáne 6 maýsym kúnderi úsh pýnktte, atap aıtqanda L.Gýmılev atyndaǵy Eýrazııa ulttyq ýnıversıtetinde (3 lek), S.Seıfýllın atyndaǵy Qazaq agrotehnıkalyq ýnıversıtetinde (2 lek), Qazaq gýmanıtarlyq zań ýnıversıtetinde (2 lek) ótken bolatyn. Astana qalalyq bilim basqarmasynyń aqparatyna sáıkes, 4042 túlektiń 3252-si UBT-ǵa qatysty. Bul jalpy túlekterdiń 80,5 paıyzyn quraıdy. 790 túlek memlekettik emtıhan túrindegi qorytyndy attestatsııadan ótti. Onyń 362-si - halyqaralyq olımpıadalar men ǵylymı jobalar baıqaýynyń jeńimpazdary, 17 túlek - densaýlyǵyna baılanysty qorytyndy attestatsııadan bosatylǵan, sonymen qatar olardyń qatarynda taıaý jáne alys shetelderdiń joǵary oqý oryndaryna túsetin túlekter de bar. Aldyn ala málimetterge sáıkes, «Altyn belgi» belgisine laıyq ekendigin 90 oqýshy dáleldese, 9 oqýshyǵa nebári 1 ball jetpeı qalǵan. Al 23 oqýshy úzdik attestatqa laıyq ekendigin dáleldeı aldy. Qala boıynsha ortasha ball - 87,58 (2013 jyly - 81,3 ball). 100-den 124 ballǵa deıin 1081 oqýshy jınady (33, 2 %), 2013 jyly mundaı kórsetkishke 629 (20,5%) túlek qol jetkizgen edi. Respýblıkalyq apellıatsııalyq komıssııa óz jumysyn jalǵastyrýda, sońǵy nátıje 15 maýsymda shyǵarylady.
