Elorda týrnırinde qazaqstandyq tennısshilerdiń qarsylastary anyqtaldy
NUR-SULTAN. QazAqparat - Elordada Forte 60 Women's ITF týrnıriniń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, tórt qazaqstandyq tennısshi uıymdastyrýshylardan arnaıy shaqyrtý aldy.
Jibek Qulambaeva alǵashqy aınalymda reseılik Ekaterına Kazıonovamen kezdesedi.
Gózal Aınıtdınova jarystyń 3-raketkasy, grýzııalyq Marııam Bolkvadzemen sheberlik baıqasady.
Arýjan Saǵyndyqova belgııalyq Isalın Bonaventýramen, Ekaterına Dmıtrıchenko japonııalyq Kýrýmı Naramen kortqa shyǵady.
Ókinishke qaraı, Sandýǵash Kenjebaeva men Sofıa Chýrsına irikteý saıystarynyń fınalynda jeńilip qaldy. Degenmen olar basqa da qazaqstandyq tennısshiler sııaqty, juptyq synda óner kórsetedi.
Eske sala keteıik, budan buryn Anna Danılınanyń juptyq synda Doha týrnırin jeńispen bastaǵanyn jazǵan bolatynbyz.
