Elorda turǵynynyń páterinen birneshe júk kóligimen qoqys shyǵaryldy
NUR-SULTAN. QazAqparat - Elorda turǵynyń páterinen birneshe júk kóligimen qoqys shyǵaryldy, dep habarlaıdy QazAqparat tilshisi.
Polisia.kz portalynyń málimetinshe, Baıqońyr aýdandyq polıtsııa basqarmasynyń ýchaskelik ınpektory Dáýletbek Táńirbergenovke kópqabatty úı turǵyndary júginip, páterlerdiń birinen jaǵymsyz ıis shyǵatyndyǵyn, taraqan men tyshqan júretindigin aıtyp shaǵymdanǵan. Mundaı jaıttyń oryn alýyna sebep – kórshileriniń óziniń 3 bólmeli páterin qoqys alańyna aınaldyrýy. Páter ıesi qoqys jáshikterinen jurt tastaǵan qajetsiz dúnıelerdi úıine jınaýǵa áýes bolǵan.
«Mán-jaıdy anyqtaý barysynda 53 jastaǵy azamattyń jalǵyz ózi turatyndyǵy anyqtaldy. Ýchaskelik ınspektordyń járdemimen onyń páterin tazalaý uıymdastyryldy. Tazalaý jumystary eki kúnge sozylyp, birneshe júk kóligimen qoqys shyǵaryldy. Úı turǵyndary ýchaskelik ınspektorǵa kómek kórsetkeni úshin rızashylyqtaryn bildirdi. Sonymen qatar ýchaskelik ınspektor atalǵan azamatqa jeke kýáligin jáne áleýmettik tólem alýǵa qajetti qujattaryn qalpyna keltirýge kómektesti», - dep jazady portal.
