Elorda turǵynynyń páterinen 2,5 mln. teńgeniń altyn buıymdaryn jymqyrǵan ury uzaqqa barmady
ASTANA. 31 mamyr. QazAqparat - Astana qalalyq ІІD Saryarqa aýdandyq ІІB-niń kezekshi bólimine qońyraý shalǵan azamat kórshi páterge urynyń tereze arqyly kirmek bolyp jatqandyǵyn habarlaǵan.
Bul týraly Astana qalalyq ІІD baspasóz qyzmetinen málim etildi.
Vedomstvonyń atap ótýinshe, oqıǵa ornyna sholǵynshy polıtsııa polkiniń qyzmetkerleri shuǵyl arada jetken. Ury úıdiń qasynda ósip turǵan aǵash arqyly páterge kirip, odan 2 mln. 500 myń teńgeniń altyn buıymdaryn qoldy qylǵan. Ol qolǵa túskennen keıin urlanǵan altyn buıymdar tárkilendi.
Tergeý amaldary barysynda 17 jastaǵy urynyń Pavlodar qalasynan kelgendigi, elordada ýaqytsha turatyndyǵy belgili boldy. Sonymen qatar oǵan týǵan qalasynda da 15 páterdi tonaýy múmkin degen kúdik keltirilýde. Ustalǵan jasóspirimniń aıtýynsha, urlyqpen 14 jasynan bastap aınalysady ári buǵan deıin eki ret sottalǵan.
Kúdiktige qatysty qylmystyq is qozǵaldy.
