Elorda turǵynyn qonaqqa kelgen tanysy tonap ketti

Elorda polıtsııasy jedel izdeý is-sharasy barysynda buryn sottalǵan 28 jastaǵy Shyǵys Qazaqstan oblysynyń týmasyn ustady, dep habarlaıdy QazAqparat tilshisi.

Nur-Sultan qalalyq Polıtsııa departamentiniń málimetinshe, kúdikti eski tanysynyń úıine qonaqqa kelip, onymen birge spırttik ishimdik ishken. Sodan keıin ol úıden shyǵyp bara jatyp, zardap shegýshiniń jalpy quny 800 myń teńge turatyn «Iphone 11 Pro Max» telefony men sómkesin urlap ketken.

«Atalǵan fakti boıynsha sotqa deıingi tergeý amaldary júrgizilip jatyr. Kúdikti qylmysyn moıyndap, zattaı aıǵaq tárkilendi. Onyń buǵan deıin elorda aýmaǵynda jasalǵan dál osyndaı qylmystarǵa qatysy tekserilip jatyr. Nur-Sultan qalalyq Polıtsııa departamenti saq bolýǵa jáne qundy zattardy qaraýsyz qaldyrmaýǵa shaqyrady», - dep atap ótedi vedomstvodan.