Elorda turǵynyn áleýmettik jeli arqyly tanysqan áıeli tonap ketti
Nur-Sultan qalasy Polıtsııa departamentiniń baspasóz qyzmeti taratqan málimet boıynsha, úıinde spırtti ishimdik iship otyrǵan elorda turǵyny áleýmettik jelide tanysqan áıelin qonaqqa shaqyrǵan. Tanysynyń masaıyp, uıqyǵa ketkenin paıdalanǵan áıel onyń mobıldi bank qosymshasy arqyly óz esepshotyna 450 myń teńge aýdaryp, qymbat telefonyn alyp etken.
Kóp ótpeı polıtsııa kúdikti áıeldi ustady. Ol buryn qylmystyq jaýapqa tartylǵan elorda turǵyny bolyp shyqty jáne óz kinásin moıyndady. Atalǵan fakti boıynsha qylmystyq is qozǵaldy», - dep jazylǵan departamenttiń dereginde.
Eske salsaq, 23-29 tamyz aralyǵynda elorda aýmaǵynda «Quqyqtyq tártip» jedel-aldyn alý is-sharasy ótken bolatyn. Reıdtik is-shara kezinde saqshylar 200-den astam qylmysty ashyp, izdeýde júrgen 26 adamdy ustaǵan.
«Quqyqtyq tártip» jedel aldyn alý is-sharasy barysynda zańsyz aınalymnan 8 qarý-jaraq alyndy. 25 tamyzda jedel-profılaktıkalyq is-shara barysynda elordanyń 26 jastaǵy turǵynynan tintý kezinde tapansha tárkilendi. Atalǵan fakti boıynsha qylmystyq is qozǵaldy. Qolǵa túsken azamat ýaqytsha ustaý ızolıatoryna qamaldy. Budan basqa, operatsııa barysynda 8 myńnan astam ákimshilik quqyq buzýshylyq anyqtaldy. Onyń ishinde 675 usaq buzaqylyq faktisi, 1218 spırt ishimdikterin ishý nemese qoǵamdyq oryndarǵa masań kúıde kelý faktisi, 2735 adam tirkeýsiz nemese jeke basyn kýálandyratyn qujattarsyz turý faktileri boıynsha jaýapqa tartyldy», - deıdi Nur-Sultan qalasy polıtsııa departamentiniń jergilikti polıtsııa qyzmetiniń bastyǵy Arman Aıtmaǵambetov.
https://kaz.inform.kz/news/elorda-turgynyn-tonaushy-pyshaktap-ketti_a3829963