Elorda turǵyny júrgizýshi kýáligin ınternet arqyly «satyp kelgen»
NUR-SULTAN. QazAqparat - Nur-Sultanda polıtseıler ınternet arqyly júrgizýshi kýáligin jasaý qyzmeti týraly habarlandyrý jarııalaǵan alaıaqty ustady. Bul jaıynda Polisia.kz baǵdarlamasynyń kezekti shyǵarylymynda aıtyldy.
Ol kóshede ustaldy. Tərtip saqshylary onyń úıin tintý kezinde mór, 75 sım-karta, taǵy da basqa zattardy anyqtady.
Senimdilik úshin 40 jastaǵy er adam azamattarǵa jeke kýáligin kórsetken, alaıda tekseris barysynda qujattyń buryn alaıaqtyń quryǵyna túsken bóten adamǵa tıesili ekendigi anyqtalǵan. Óz qyzmetiniń aqysyn ol elektrondyq ámııanǵa aýdarýdy suraǵan.
Tólem jasalǵannan keıin baılanysqa shyqpaǵan. Atalmysh syzba boıynsha alaıaq jyl basynan beri alty azamatty aldap úlgergen.
Biraq jábirlenýshilerdiń sany odan da kóp bolýy múmkin.
Qazirgi ýaqytta er adam tergeý ızolıatoryna qamaldy, oǵan qatysty QR QK 190-baby (Aqparattyq júıeni qoldanýshyǵa qatysty alaıaqtyq) boıynsha sotqa deıingi tergeý júrgizilýde.
Eger siz atalmysh alaıaqtyń qurbany bolsańyz, tez arada polıtsııaǵa habar berińiz: 102, 71-63-35, 71-66-10, 8-747-620-57-93.
