Elorda turǵyny jol erejesin buzǵany úshin memleketke 98 aıyppul tóledi
NUR-SULTAN. QazAqparat – Elordada «Boryshker» reıd sharalary jalǵasýda. Osy reıdtiń arqasynda aıyppulynyń jalpy somasy 1 757 270 teńge bolatyn júrgizýshi ustaldy, dep habarlaıdy QazAqparat tilshisi Nur-Sultan qalasynyń aımaqtyq jeke sot oryndaýshylar palatasynyń baspasóz qyzmetine silteme jasap.
« Boryshker» reıd sharalary óz nátıjesin berip jatyr. Nur-Sultan qalasynyń turǵyny jyl basynan beri 98 aıyppul alǵan. 2009 jylǵy BMW 750 Li markaly avtokólik arnaıy aıyp turaǵyna kirgizildi. Jol erejesin buzýdyń jalpy aıyppul kólemi 1 757 270 teńgege jetti. Memleketke qaryz kólik ıesi aıyppuldy tolyq tóledi», - dep habarlaıdy Nur-Sultan qalasynyń aımaqtyq jeke sot oryndaýshylar palatasy basshysynyń orynbasary Madına Janasaeva.
98 aıyppuldy tólegen azamattyń isin sot oryndaýshylardyń biri qaraǵan. Onyń bank aldynda da qaryzy bar bolyp shyqty.
