Elorda turǵyny jalǵan shot jazyp, memleketke 900 mln teńge zalal keltirdi

NUR-SULTAN. QazAqparat - Elorda turǵyny jalǵan shot jazyp, memleketke 900 mıllıon teńge kóleminde zalal keltirdi, dep habarlaıdy QazAqparat.

Qarjylyq monıtorıng agenttigi «kóleńkeli ekonomıkamen» kúres júrgizip jatyr.

Atap aıtqanda, is júzinde qyzmetter de, jumystar da, taýarlar da usynbaıtyn «kúmándi» kásiporyndardyń qyzmetiniń jolyn kesý boıynsha sharalar qabyldanyp jatyr.

Bul rette bıýdjetke salyq aýdarmaı aqsha qarajatyn qolma-qol aqshaǵa aınaldyrady.

Nur-Cultan qalasy boıynsha ekonomıkalyq tergep-tekserý departamenti jalǵan býhgalterlik qujattardy jazyp berý faktisi boıynsha «AıDı Stroı 2030» JShS dırektoryna qatysty qylmystyq isti aıaqtady.

Tergeý barysynda D.Qurmanǵojınova 2017-2018 jyldar aralyǵynda Seriktestiktiń atynan túrli kompanııalarmen jalǵan mámileler resimdegeni anyqtaldy.

Nátıjesinde memleketke tólenbegen salyq túrinde 900 mıllıon teńgeden astam somaǵa zalal keltirildi.

D. Qurmanǵojınovaǵa 3,5 jylǵa bas bostandyǵynan aıyrý jazasy taǵaıyndaldy.