Elorda turǵyny jalǵan dollar banknotalaryn utys oıyndaryna tigip kelgen

NUR-SULTAN. QazAqparat – Elorda turǵyny sporttyq oıyndarǵa utysqa jalǵan dollarlardy tigip kelgen. Bul týraly Qarjylyq monıtorıng agenttiginen málim etti, dep habarlaıdy QazAqparat.

«Bıylǵy 28 qazanda Qarjylyq monıtorıng agenttigi Nur-Sultan qalasy boıynsha aýmaqtyq departamentiniń qyzmetkerleri jalǵan dollar ótkizý kezinde elorda turǵynyn ustady.

Tergeý barysynda qylmys jasaýshy birneshe ret nomınaly 50 AQSh dollaryn quraıtyn jalǵan kýpıýralardy sporttyq oıyndarǵa utysqa salǵany anyqtaldy.

Sondaı-aq, onyń eki sybaılasy ustaldy, olardyń úıinen jalǵan 7,6 myń dollar anyqtaldy.

Atalǵan derek boıynsha sotqa deıingi tergeý bastaldy. Tergeý soty joǵaryda atalǵan tulǵalarǵa 2 aı merzimge «qamaýda ustaý» túrindegi bultartpaý sharasyn sanktsııalady», - delingen habarlamada.

Agenttik jalǵan banknottardy anyqtaǵan kezde dereý senim telefonyna habarlaýǵa shaqyrady [phone].

Aıta keteıik, jalǵan aqshany anyqtaý qylmys emes, biraq mundaı banknotty ótkizý úshin qylmystyq jaýapkershilik qarastyrylǵan.