Elorda turǵyny úıinde kóknárdiń elıtalyq sortyn ósirgen
NUR-SULTAN. QazAqparat - Ulttyq qaýipsizdik komıtetiniń qyzmetkerleri kóknárdiń elıtalyq sortyn zańsyz ósirgen elorda turǵynyn ustady, dep habarlaıdy QazAqparat komıtettiń baspasóz qyzmetine silteme jasap.
«14 mamyrda QR UQK Nur-Sultan qalasy boıynsha departamenti QR UQK Ortalyq apparatymen birlesip, quramynda esirtki zat bar ósimdikterdi «gıdroponıka» ádisimen zańsyz egip-ósirýge qatysy bar «A» degen azamatty ustady.
Tintý barysynda kóknárdiń (kannabıs) elıtalyq sortynyń túpteri (naryqtaǵy quny shamamen 4,5 mln teńge), aýa ylǵaldatqysh, arnaıy qyzdyrý shamdary, jeldetý júıesi, sondaı-aq keptirilgen kannabıs japyraqtary, elektrondyq tarazy men oraý materıaly alyndy», delingen habarlamada.
Osy oqıǵa QR Qylmystyq kodeksiniń 300-baby 1-bóligi boıynsha biryńǵaı sotqa deıingi tergeý tizilimine tirkeldi. Tárkilengen zattarǵa sot-hımııalyq saraptama taǵaıyndaldy. Sotqa deıingi tergeý jalǵasýda.
