Elorda turǵyny súıiktisiniń 1 mln 879 teńgelik 2 telefonyn urlap ketti

NUR-SULTAN. QazAqparat – Elorda polıtsııasy jedel izdeý is-sharalary barysynda iri kólemde urlyq jasaý kúdigimen 28 jastaǵy taksı júrgizýshisin ustady, dep habarlaıdy QazAqparat tilshisi.

Nur-Sultan qalalyq polıtsııa departamentiniń málimetinshe, quqyq qorǵaý organyna júgingen elorda turǵyny atalǵan jigitpen taksı qyzmetin paıdalanǵan kezinde tanysqanyn aıtqan. Sol sátte jastardyń arasynda mahabbat oty tutanǵan. Kezdesýlerdiń birinde jigit zardap shegýshiniń páterine kelip jalpy somasy 1 mln 879 myń teńge bolatyn «Aıfon 12» jáne «Samsýng Galaksı A 21» markaly eki uıaly telefondy urlap ketken.

«Kúdiktiniń ústinen qylmystyq is qozǵaldy. Ustalǵan adam kinásin moıyndap, urlanǵan telefondardy ıesine qaıtardy. Onyń elorda aýmaǵynda jasalǵan dál osyndaı qylmystarǵa qatysy tekserilip jatyr», - dedi vedomstvodan.