Elorda turǵyny súıiktisin oıynshyq tapanshamen qorqytyp, 14-qabattan ıterip jibermek boldy
NUR-SULTAN. QazAqparat – Elordada eki jas ózara kelispeı qalyp, jigit boıjetkendi qysym kórsetken, dep habarlaıdy QazAqparat.
22 qańtar kúni «102» jelisine Saraıshyq kóshesinde qolynda tapanshasy bar belgisiz bireý boıjetkendi 14-qabattan ıtermek bolyp jatqany týraly habar kelip tústi.
Oqıǵa ornyna ınspektorlar Darhan Shókenov pen Darhan Ábdikeev baryp, oqys oqıǵanyń aldyn alý úshin shuǵyl shara qabyldady.
«Anyqtalǵandaı, ózara kelispeýshilikten keıin 23 jastaǵy jigit 22 jastaǵy qyzǵa qysym kórsetken. Kúdikti ustalyp, polıtsııa basqarmasyna jetkizildi. Boıjetkenge medıtsınalyq-psıhologııalyq kómek kórsetildi», - delingen habarlamada.
Sondaı-aq, kúdiktiniń qolynda oıynshyq pıstolettiń bolǵany anyqtaldy.
Bolǵan oqıǵaǵa boıynsha qastandyq jasaldy degen aıyppen qylmystyq is qozǵaldy.
