Elorda turǵyny ShQO-da kóligimen adam qaǵyp óltirip, qashyp ketken
SEMEI. QazAqparat – Semeı qalasynda eki adamdy kóligimen qaǵyp, izin sýytqan júrgizýshi Nur-Sultan qalasynyń turǵyny bolyp shyqty, dep habarlaıdy QazAqparat tilshisi.
Polıtsııa qyzmetkerleri 11 maýsym kúni túngi saǵat 01.45-te Selevın kóshesindegi rettelmegen jaıaý júrginshiler jolaǵynda eki adamdy qaqqan júrgizýshini anyqtap, qolǵa túsirdi.
Zardap shekkenderdiń biri qaza boldy, ekinshisine ambýlatorııalyq em taǵaıyndaldy.
«Oqıǵa ornynan iz sýytqan júrgizýshi Nur-Sultan qalasynyń turǵyny bolyp shyqty. Qazirgi ýaqytta 37 jastaǵy er adam ýaqytsha ustaý ızolıatoryna qamaldy», - deıdi ShQO Polıtsııa departamenti bastyǵynyń orynbasary Eldos Zakımov.
Atalǵan fakti boıynsha sotqa deıingi tergeý amaldary bastalyp, birqatar saraptama taǵaıyndalǵan. Júrgizýshi 5 jylǵa deıin bas bostandyǵynan aıyrylýy múmkin.
Aıta keteıik, 11 maýsym kúni Semeıde taǵy bir jol-kólik oqıǵasy oryn alǵan bolatyn. Eki adamdy qaǵyp, sol jerden taıyp turǵan júrgizýshini polıtseıler izdestirýde.
