Elorda turǵyny ózin qapqan ıt ıesinen 250 myń teńge óndirip aldy
ASTANA. QazAqparat - 2016 jyldyń sáýir aıynda elordadaǵy aýlalardyń birinde júrgen áıeldi frantsýz býldogi bas saldy. Ittiń tisteýiniń saldarynan áıel sol jaq jambasynan jaraqat aldy, dep habarlaıdy QazAqparat Astana qalalyq sotynyń baspasóz qyzmetine silteme jasap.
Osyǵan deıin elordanyń arnaıy aýdanaralyq sotynyń qaýlysymen ıttiń ıesine Ákimshilik quqyqbuzýshylyq kodeksiniń 408 babynyń 2 bólimine sáıkes, zańbuzýshylyqqa jol berdi degen aıyp taǵylǵan bolatyn.
Atalǵan istiń materıaldaryn saraptap shyqqan Astana qalasynyń Saryarqa aýdandyq soty talap-aryzdy ishinara qanaǵattandyryp, ıt ıesinen materıaldyq shyǵyn keltirgeni úshin 32 myń 850 myń teńge, al, moraldyq shyǵyn keltirgeni úshin 250 myń teńge kóleminde ótemaqy óndirdi.
Sot sheshimi kúshine endi.
