Elorda turǵyny otbasylyq janjaldan keıin gaz ballonyn jarmaq bolǵan

NUR-SULTAN. QazAqparat - Elorda turǵyny otbasylyq janjaldan keıin gaz ballonyn jaryp jibermek boldy, dep habarlaıdy QazAqparat Nur-Sultan qalasy polıtsııa departamentine silteme jasap.

«Aǵymdaǵy jyldyń 27 qazanynda saǵat 17:50-de Nur-Sultan qalasy polıtsııa departamentiniń Jedel basqarý ortalyǵynyń 102 nómirine er adamnyń gaz ballonyn jarýǵa áreket jasaǵandyǵy týraly habarlama kelip túsken. Qaýipsizdikti qamtamasyz etý úshin kórshi páterlerden 30-ǵa jýyq turǵyn, sonyń ishinde balalar evakýatsııalandy. Polıtsııa qyzmetkerleri qutqarýshylarmen birigip, elordanyń 28 jastaǵy turǵynyn ustady. Onyń bul áreketti otbasylyq janjaldan keıin jasamaq bolǵany anyqtaldy.

Polıtsııa bólimine jetkizilgen er adam zań júzinde tıisti jazasyn alady.