Elorda turǵyny mas kúıde kólik urlap, ony eki ret soqqan
ASTANA. QazAqparat - Elorda turǵyny mas kúıde bireýdiń kóligin aıdap ketip, bir kúnde eki ret jol-kólik oqıǵasyn jasaǵan, dep habarlaıdy QazAqparat Polisia.kz saıtyna silteme jasap.
Elorda turǵyny saǵat 12.52-de «102» kanalyna B.Momyshuly dańǵylyndaǵy turǵyn úı kireberisiniń janynan Gelandewagen G500 avtokóligin aıdap áketkeni týraly habarlaǵan.
Shaǵym túsirgen azamatsha kúndizgi ýaqytta kólikti otaldyrý úshin syrtqa shyǵyp, esigin qulyptamaı 20 mınýtqa qaldyryp, ornyna qaıta kelgen kezde kóliktiń joqtyǵyn kórip, polıtsııaǵa júgingen. Almaty aýdanynyń polıtsııa bólimi QR QK 200-babyna sáıkes (Aıdap áketý) boıynsha sotqa deıingi tergeýdi bastady. Jeke quram atalǵan qylmyskerdi ustaýǵa baǵyttalǵan.
Beınebaqylaý kameralaryn zertteý barysynda polıtseıler belgisiz er adam úıdiń aýlasyndaǵy oryndyqta otyrǵanyn jáne kólikti otalǵan kúıde qaldyryp, úıine kirip bara jatqan áıeldi baqylaǵanyn anyqtady.
Foto: polisia.kz
