Elorda turǵyny Kóbeıtuzdan alyp ketken tuzdy óz erkimen qaıtardy
NUR-SULTAN. QazAqparat – Elorda turǵyny, qazaqstandyq sýretshi Ashat Ahmedıarov Kóbeıtuzdan alǵan tuzdy óz erkimen ótkizý týraly sheshim qabyldady. Ol jelide jeldeı esken sózge ilesip, el ishinde tanymal bolǵan qyzǵylt kólden tuz alyp ketken. Bul jaıly sýretshi Facebook paraqshasynda jazdy, dep habarlaıdy QazAqparat.
«Keshe Kóbeıtuzda bolyp qaıttyq. Men kólge tuzyn qaıtardym. Tuzdy eki apta buryn áketken bolatynmyn», - dep jazdy Ashat Ahmedıarov.
Aıta ketsek buǵan deıin Ereımentaý aýdanynyń ákimi men mobıldi baqylaý toby demalys kúnderi adamdar kóp shoǵyrlanǵan «Kóbeıtuz», «Teńiz» kóline reıd uıymdastyryp, bul kólge barýǵa tyıym salynǵanyn aıtty.
Alaıda aýdan ákimi sýretshiniń ótinishin oryndap, tuzdy «ıesine» qaıtarýǵa múmkindik bergen.
«Blok-postta biz aýdan ákimin kezdestirdik. Jaǵdaıdy túsindirdik. Jolymyz bolyp, ol bizdiń nıetimizdi túsinip, ótip ketýge múmkindik berdi. Sheneýnik kól mańaıyn tazartý jumystary júrgizilip jatqanyn, kólden bir júk kóligine toly qoqys shyǵarylǵanyn aıtty», - deıdi sýretshi.
Ashat Ahmedıarovtyń ózi de kól mańyn tazartý jumystaryna kómektesken eken.
Eske sala ketsek buǵan deıin COVID-19 aýrýyna qarsy «dári» retinde Kóbeıtuz kóliniń tuzynyń kelisi áleýmettik jelide 5 myń teńgeden satylyp jatqany habarlanǵan bolatyn.
