Elorda turǵyny evakýator jaldap, kólik urlady

NUR-SULTAN. QazAqparat – Elordada er adam evakýatr jsaldap, onymen kólik urlaǵan, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Baspasóz qyzmetiniń málimetterine qaraǵada, krımınaldyq polıtsııa qyzmetkerleri jedel-izdestirý is-sharalary barysynda urlyq jasady degen kúdikke ilingen buryn sottalǵan 26 jastaǵy er adamdy ustady.

Tergeý barysynda qaskúnemniń Seıfýllın kóshesindegi úıdiń mańynda buzylyp turǵan kólikti birneshe ret kórgeni anyqtaldy. Iesi shyǵyndy baıqamaı qalady dep shamalaǵan ol túski ýaqytta evakýator jaldap, BMW kóligin urlap ketken. Ol 2 mıllıon teńge turatyn kólikti qosalqy bólshek retinde satpaq bolǵan.

Atalǵan fakti boıynsha sot aldyndaǵy tergeý amaldary júrgizilýde, kúdikti óz kinásin moıyndady. Onyń elorda aýmaǵynda buryn jasalǵan osyǵan uqsas qylmystarǵa qatysy tekserilýde.

Nur-Sultan qalasynyń polıtsııa departamenti kólikti dabyl júıesimen jabdyqtaýdy, kólikti keter aldynda qulyptaýdy, kólikti kúzetiletin turaqtarǵa nemese beınebaqylaý kameralarymen qamtylǵan aýmaqtarǵa qoıý kerek ekenin eskertedi.