Elorda turǵyny erler arasynda halyqaralyq baıqaýda úzdik model atandy
NUR-SULTAN. QazAqparat – 32 jasar elordalyq Vladımır Morozov Úndistannyń astanasy Delıde ótken «Mister model worldwide-2019» halyqaralyq baıqaýynda gran-prıdi jeńip aldy, dep habarlaıdy QazAqparat.
Erler arasyndaǵy sulýlyq baıqaýyna 19 eldiń ókili qatysty. Baıqaý 3 kezeńnen turdy. Atap aıtqanda fotosessııa, smokıng jáne ulttyq kostıým kııý boıynsha.
1 aptaǵa sozylǵan baıqaýdyń nátıjesinde ádilqazylar qazaqstandyq Vladımır Morozovty úzdik (gran-prı) dep tanydy. Sondaı-aq, 1 oryndy Koreıa, 2 oryndy Aýǵanstan, 3 oryndy Kenııa jáne 4 oryndy Malaızııa eliniń ókili jeńip aldy.
«Qazaqstandyqtar kele jatqan merekelerińizben! Men uttym, biz uttyq!», - dedi Vladımır Morozov Instagram-daǵy paraqshasynda.
