Elorda turǵyny egde áıeldi soqqyǵa jyǵyp, sómkesin tartyp almaq boldy

NUR-SULTAN. QazAqparat – Elordada Nur-Sultan qalasynyń buryn birneshe ret sottalǵan 32 jastaǵy turǵyny ustaldy, dep habarlaıdy QazAqparat Nur-Sultan qalasynyń polıtsııa departamentiniń baspasóz qyzmetine silteme jasap.

Keshki ýaqytta turǵyn úıdiń janynan ótip bara jatqan er adam kireberistiń qasynda sómkesinen kilt izdep turǵan egde jastaǵy áıeldi kórip qalǵan.

Jábirlenýshiniń kireberiske esigin ashqan sátin paıdalanǵan qaskúnem onymen birge kirgen.

Onda ol áıeldi birneshe ret uryp jiberip, qolyndaǵy sómkesin tartyp almaq bolǵan, alaıda jerge qulaǵan áıel kómekke shaqyra bastady.

Onyń aıqaıynan qoryqqan qylmysker sol jerden izin jasyrǵan.

Ustalǵan er adam óz kinásin moıyndady.

Atalǵan faktimen QR Qylmystyq kodeksiniń 293-babymen qylmystyq is qozǵaldy.

Er adam ýaqytsha ustaý oqshaýlaǵyshyna qamaldy.

Tergeý amaldary júrgizilýde, kúdikti er adamnyń buryn elorda aýmaǵynda osyǵan uqsas qylmystarǵa qatysy bar-joǵy anyqtalý ústinde.