Elorda turǵyny bıznesmenniń kóliginen 270 myń dollardy qoldy etti
ASTANA. QazAqparat - Qostanaı oblysynyń shekaralyq baqylaý beketinde kórshi elge boı tasalamaq bolǵan elordalyq ury ustaldy. Bul jaıynda QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Qostanaı oblysynyń shekaralyq baqylaý beketinde oblystyq ІІD krımınaldyq polıtsııa qyzmetkerleri el aýmaǵynan boı tasalamaq bolǵan elorda turǵynyn ustady. Ol aǵymdaǵy jyldyń naýryzynda Zatobol aýylynda kásipkerdiń kóliginen 270 myń dollardan astam qarjysy bar sómkeni urlap ketken», - dedi Almas Sadýbaev.
