Elorda turǵyny bir jyl buryn satqan kóligin qaıta urlap ketken
Almaty aýdanynyń krımınaldyq polıtsııa qyzmetkerleri jedel-izdestirý is-sharalaryn júrgizý kezinde Daewoo Nexia avtokóligin aıdap áketýge qatysy bar 19 jastaǵy jigitti ustady. Tergeý barysynda kólik quraly buryn oǵan tıesili bolǵany anyqtaldy.
Bir jyl buryn júrgizýshi sheteldik esepke alynǵan Daewoo Nexia avtokóligin qazaqstandyq esepke alynǵan avtokólikke aıyrbastaǵan. Alaıda biraz ýaqyttan keıin qazaqstandyq esepke alynǵan avtomobıl buzylyp, júrgizýshiler arasynda janjal týyndaǵan. Birneshe kún buryn avtokólik satý saıtyn qarap otyryp, jigit óziniń burynǵy Daewoo Nexia kóligin satý týraly habarlandyrýǵa tap bolǵan.
Kóp oılanbastan júrgizýshi kólikti urlaýǵa sheshim qabyldap, jábirlenýshiniń turǵylyqty mekenjaıyna barǵan. Qosalqy kilttermen ol kólik quralyn iske qosýǵa tyrysqan, alaıda kólik otalmaǵannan keıin ol manıpýlıatordyń qyzmetin paıdalanǵan. Keıin kólik otaldyrylyp, kúdikti úıine jol tartqan. Atalǵan fakti boıynsha sotqa deıingi tergeý amaldary júrgizilip, kúdikti moıyndaý kórsetpelerin berdi.
Onyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilip jatyr.
Foto: polisia.kz