Elorda turǵyny áıelin uryp jatqan adamnyń ózin soqqyǵa jyǵyp, tonap ketken
NUR-SULTAN. QazAqparat – Nur-Sultan qalasynyń polıtseıleri kisi tonady degen degen kúdikpen 27 jastaǵy jergilikti turǵyndy ustady, dep habarlaıdy QazAqparat Nur-Sultan qalasy polıtsııa basqarmasynyń baspasóz qyzmetine silteme jasap.
Tergeý barysynda alkogoldik ishimdikke qyzyp alǵan erli-zaıyptylar janjaldasyp, kúıeýi áıelin urǵany anyqtaldy. Kóshede ketip bara jatqan kezdeısoq er adam aldymen áıeldi qorǵamaq bolyp, onyń kúıeýin uryp jibergen. Sosyn onyń uıaly telefonyn urlap, oqıǵa ornynan izin jasyrǵan. Taıaq jegen j ábirlenýshi polıtsııaǵa shaǵymdanǵan.
Nur-Sultan qalasy polıtsııa departamentiniń «Baıqońyr» aýdandyq polıtsııa basqarmasynyń qyzmetkerleri kúdiktini ustady. Ustalǵan adamnyń buryn qylmystyq jaýapqa tartylǵany anyqtaldy. Ol óz kinásin tolyq moıyndap, uıaly telefon ıesine qaıtarylǵan. Qazir ustalǵan azamat ızolıatorǵa qamaldy.
Atalǵan fakti boıynsha «tonaý» babymen qylmystyq is qozǵaldy, ustalǵan er adamnyń buryn jasalǵan osyǵan uqsas qylmystarǵa qatysy bar-joǵy anyqtalyp jatyr. Al j ábirlenýshimen profılaktıkalyq áńgime júrgizilip, erli-zaıyptylar tatýlasqan.
