Elorda turǵyny áleýmettik jeli arqyly tanysqan adamǵa 90 mln teńge aýdaryp jibergen

ASTANA. QazAqparat – Elordada áıel adam áleýmettik jeli arqyly tanysqan jigitke 90 mln teńgeden astam aqshasyn aýdaryp jibergen, dep habarlaıdy QazAqparat tilshisi.

Alaıaqtyq jasaǵan atalǵan adam anyqtalyp, ustaldy. Ol Astana qalasy Almaty aýdany №2 aýdandyq sotynyń 2023 jylǵy 11 qańtardaǵy úkimimen 5 jylǵa bas bostandyǵynan aıyryldy.

Astana qalasy sotynyń baspasóz qyzmetiniń málimetine qaraǵanda, áleýmettik jeli arqyly hat almasý kezinde er adam óziniń sezimin bildirip, unatyp qalǵanyn aıtqan.

«Ol ózin bankrottyq satyda turǵan zaýyt dırektory ekenin jáne basqa da shyndyqqa janaspaıtyn derekter aıtqan. ıAǵnı jaqyn týystarynyń qaıtys bolǵanyn habarlap, shuǵyl túrde aqsha kerek ekenin aıtyp, áıel adamdy aldaǵan», - delingen sot málimetinde.

Óz kezeginde aldanyp qalǵan áıel adam belgili bir ýaqyt aralyǵynda oǵan onlaın aýdarymdar arqyly túrli somada aqsha jiberip otyrǵan. Osy oraıda oǵan 91,6 mln teńge somasynda materıaldyq zalal keltirgen.

Apellıatsııalyq shaǵymynda sottalǵan adam taǵaıyndalǵan jazany jeńildetýdi, asyraýynda kámeletke tolmaǵan 5 balanyń bar ekenin, zaıybynyń jumys istemeıtinin, sondaı-aq densaýlyq jaǵdaıyn eskerýdi surady.

Alaıda sot úkimi ózgerissiz qaldy. Úkim zańdy kúshine endi.