Elorda turǵyny 1,5 mln teńge alıment qaryzyn qolma-qol aqshamen tóledi
NUR-SULTAN. QazAqparat – Qylmystyq jazany boldyrmaý úshin boryshker alıment boıynsha 1,5 mıllıon teńge mólsherinde qaryzdy qolma-qol aqshamen tolyq kólemde tóledi, dep habarlaıdy QazAqparat Nur-Sultan qalasynyń jeke sot oryndaýshylarynyń óńirlik palatasyna silteme jasap.
Boryshker 2019 jyldyń tamyz aıynan beri qaryz bolyp júr. Ol eki balaǵa alıment tóleýge mindetti bolǵan, biraq, ókinishke qaraı, tólemnen jaltarýǵa tyrysqan.
«Qaryzben aınalysatyn sot oryndaýshysy boryshkerdi qylmystyq jaýapkershilikke tartý úshin isti quqyq qorǵaý organdaryna jiberdi. Osydan keıin boryshker qylmystyq jazadan qutylý úshin 1,5 mıllıon teńge mólsherinde qaryzdy dereý tolyq kólemde tóledi», - deıdi Nur-Sultan qalasy boıynsha JSO óńirlik palata basshysynyń orynbasary Madına Janasaeva.
Nur-Sultan qalasynda «Boryshker» reıd sharasyn ótkizý kezinde sot oryndaýshylary ýákiletti organnyń sheshimi boıynsha alıment, salyq bereshegin jáne aıyppul óndirip alý úshin 30-dan astam avtokólikti mamandandyrylǵan aıyppul turaǵyna qoıdy.
Eske sala keteıik, «Baryshker» reıdi elordada eki aı boıy júrgizildi. Osy ýaqyt aralyǵynda sot oryndaýshylary aıyppul men salyq boıynsha 234 506 505 teńge bolatyn 15 153 materıaldy oryndady.
Ustalǵan alımentshilerdiń avtokólik boıynsha qaryzy 31 121 450 teńgeni qurady.
