Elorda turǵyndarynyń basym bóligi elektrondyq memlekettik qyzmetterdi paıdalanyp otyrǵan joq
ASTANA. 20 qyrkúıek. QazAqparat - Astana turǵyndary elektrondyq memlekttik qyzmetti paıdalanýǵa tolyq daıyn emes.
Bul jaıynda búgin Digital Communications Kazakhstan-2012 konferentsııasy aıasynda «e.astana.kz» elektrondyq ákimdik jobasynyń úılestirýshisi Dáýren Topaev málim etti.
Onyń sózine qaraǵanda, statıstıka departamentiniń 2011 jyldaǵy málimetteri boıynsha elordalyqtardyń 70 paıyzy ınternetke qol jetkizip otyr. Olardyń 90 paıyzy poshta nemese jańalyqtar oqıdy eken.
Atap aıtqanda, qalada ǵalamtordy paıdalanýshylardyń jalpy kóleminiń 5-7 paıyzǵa jýyǵy ǵana elektrondyq qyzmetterdi nemese osy tektes servısterdi paıdalanady.
D. Topaevtyń paıymdaýynsha, elektrondy qyzmetterdi damytýdy baǵa saıasaty tejep keledi. Máselen, bir aıǵa ortasha ınternet paketi 4 myń teńge shamasynda. Buǵan turǵyndardyń 30-40 paıyzy qol jetkize alady.
Sonymen qatar ol elektrondy qyzmettiń óristeýine memorgandardyń qatardaǵy qyzmetkerleriniń ózara túinistiginiń bolmaýy taǵy da bir faktor retinde áser etetinin jetkizdi.
«Bul negizsiz qorqynysh, ıaǵnı avtomatızatsııa saldarynan ol júıe qyzmetkerlerdi almastyrady degen seziktenýge baılanysty. Alaıda, avtomatızatsııa adamdardy almastyra almaıdy, ol tek adamdardyń ýaqytyn tıimdi paıdalanýǵa múmkindik beredi»,-dep túıindedi D. Topaev.
