Elorda turǵyndaryna baqshany túnde ǵana sýarý usynyldy

NUR-SULTAN. QazAqparat – «Astana sý arnasy» MKK baý-baqsha sýaratyn elorda turǵyndaryna málimdeme jasady, dep habarlaıdy QazAqparat.

«Qurmetti Nur-Sultan qalasynyń turǵyndary! Kúnniń ysyp ketýine baılanysty aýyz sý tapshylyǵynyń aldyn alý maqsatynda «Astana sý arnasy» MKK baý-baqshany aptasyna eki ret saǵat 23.00 - 06:00 aralyǵynda sýarý qajettigin málimdeıdi. Óıtkeni, sý qubyrlary jelisinde úı mańyndaǵy ýchaskeler men jas kóshetterdi sýarý eseptelmegen», - dep málimdedi mekeme.

Sonymen birge, turǵyndarǵa yńǵaıly bolý úshin baý-baqsha sýaratyn sýdy úlken ydysqa aldyn ala jınap qoıý usynylady.