Elorda turǵyndaryna ASTRA kólik kartasy syıǵa tartyldy
ASTANA. QazAqparat - Qazaqstan Respýblıkasy Táýelsizdiginiń 25 jyldyǵyna arnalǵan «Astana - meıirimdi qala» qaıyrymdylyq aktsııasy jalǵasýda, dep habarlaıdy QazAqparat.
«ASTANA LRT» kompanııasy málimetinshe, elorda ákimdigi 1000 turǵynǵa toltyrylatyn ASTRA kólik kartasyn syıǵa tartty. Olarmen elordanyń qoǵamdyq kólikterinde jolaqysyn tóleýge bolady
Syıǵa berilgen kartalarda tegin júrý úshin arnaıy qarjy júktelgen jáne onda bir baǵdardan ekinshisine 1 saǵattyń ishinde otyrsa, aqysyz júrý bonýstar qamtylǵan.
Barlyq syıǵa tartylǵan toltyrylatyn kólik kartasynyń qoldaný merzimi 5 jyl. Jolaýshylar olarǵa jolaqy birlikterin toltyryp, tegin jol júrý bonýstaryn paıdalana berýlerine bolady.
Esterińizge sala ketelik, Astanada qoǵamdyq kólikte elektrondy jol aqysyn tóleý júıesi ASTRA Plat engizilgen. Atalmysh kartanyń 3 túri bar. Olar: qarajat toltyrylatyn, mektep oqýsharyna arnalǵan jáne jeńildikteri bar kartalar. Baılanys mólsheri jol júrý sanymen teń keledi. Qarajat toltyrylatyn karta quny - 400 teńge. Mektep oqýshylary men jeńildikteri bar kartalar tıesili qala turǵyndaryna tegin taratylady. Al úırenshikti qolma-qol tólem men qaǵaz bıletter ázirge áli de aınalymda.
